Интензивно се реконструираат основните училишта низ земјава во пресрет на новата учебна година, со цел од 1 септември да се создадат услови за воведување едносменска настава. Министерката за образование Весна Јаневска соопшти дека МОН и општините летниот период го искористиле за подготовка на училиштата.
-МОН во моментов врши адаптација, доградба и реновирање во 6 училишта, а сме подготвени да го спроведеме проектот уште во 15 други училишта. Дел од проектот ќе се реализира есенва, а дел на пролет. И со тоа успешно се спроведува проектот за добробит на децата и поквалитетно образование, соопшти министерката.
Новата учебна година ќе стартува без проблеми со дистрибуцијата на бесплатните учебници, кои, според министерката веќе се доставени до училиштата, а секое секое дете до 4-то одделение ќе има и таблет.
© Vecer.mk, правата за текстот се на редакцијата
