Се запали автомобил на раскрсницата кај „Мавровка“, интервенираа пожарникарите (ВИДЕО)

Автомобил се запали денеска на крстосницата кај трговскиот центар „Мавровка“ во Скопје.

Според видеото, возачот веднаш се обидел да го изгасне пожарот со противпожарен апарат, но не успеал да го локализира.

По кратко време интервенирала противпожарната служба, чии екипи го изгаснале пожарот.

Засега нема информации за тоа од што избувнал пожарот, ниту дали во инцидентот има повредени лица.

Повеќе детали се очекуваат наскоро.