Граѓаните од јуни ќе можат да патуваат со воз на релација Прилеп-Битола-Жабени. Министерот Николоски најави дека промотивниот повратен билет ќе чини 150 денари, овозможувајќи им на работниците и патниците навремено пристигнување додека траат градежните работи на автопатот. Оваа мерка е резултат на соработката со Македонски железници за олеснување на комуникацијата во Пелагонискиот регион.
„Работиме со Македонски железници-Инфраструктура и транспорт најдоцна до јуни да пуштиме меѓуградски воз кој би оперирал на линија Прилеп-Битола-Жабени. Оние кои имаат дневна потреба за патување меѓу овие два града, а и оние кои работат во индустриската зона Жабени, да го користат возот. Ќе одиме со промотивна цена за повратна карта од 150 денари, што е најевтино што може да се најде на пазарот имајќи предвид дека паркинг некој би платил повеќе, да не зборуваме за бензин за возило“, рече Николоски.
© Vecer.mk, правата за текстот се на редакцијата
