Собранието денеска ќе одлучува за изборот на Зулфикар Зејнула за нов министер без ресор во Владата. Неговата кандидатура следува по неодамна постигнатиот коалициски договор меѓу Демократската партија на Турците и ВМРО- ДПМНЕ.
Демократската партија на Турците во актуелниот парламентарен состав има еден пратеник – Бејџан Иљас.
Во својата професионална кариера, Зејнула од 2021 до 2024 година ја извршуваше функцијата заменик-директор на Дирекцијата за заштита и спасување. Претходно, од 2018 до 2021 година беше советник во Советот на Општина Гостивар, а од 2017 до 2021 година работеше во Правниот сектор на Демократската партија на Турците. Работно искуство има и во приватниот сектор, во компанијата „Хабиб транс“ ДОО.
За време на неговиот ангажман во локалната самоуправа бил член на повеќе комисии, меѓу кои Комисијата за верификација, избор и именување, Комисијата за планирање и уредување на просторот и заштита на животната средина, како и Коммисијата за правни и нормативни работи.
© Vecer.mk, правата за текстот се на редакцијата
