Ученици нашле начин како да се спасат од училиште: За да имаат ПОЗИТИВЕН КОВИД ТЕСТ користат сок

Како што пренесуваат медиумите, децата на социјалните мрежи почнале да шеруваат снимки на кои со помош на разно-разни газирани сокови успеваат да лажираат брз ковид-тест, кој потоа дава позитивен резултат.

Наводно, неколку капки сок може да направат тестот да „откачи“ и да исфрли позитивен резултат. Учениците масовно се обидуваат да го пробааат ова со цел да изостануваат од училиште, а наставниците веќе испратија апел до родителите да внимаваат.

- Не ви се оди во училиште? Сакате позитивен ковид тест? Само ви треба малку сок од портокал - стои во описот на едно видео кое кружи на ТикТок. Истовремен, надлежните испратиле порака до учениците да имаат на ум дека позитивен брз тест секако не оди без потврда со ПЦР.