Наоми Кембел неодамна повторно стана мајка, и тоа на 53-годишна возраст. Веста за доаѓањето на свет на нејзиното второ дете таа ја објави на Инстаграм. Имено, Наоми сподели прекрасна фотографија на која во прегратка го држи новородениот син додека нејзината едногодишна ќерка ја држи за рака.
– Мил мој, знај дека си сакан надвор од сите граници и опкружен со љубов од моментот кога нè удостои со твоето присуство, вистински дар од Бога, благословен! Добре дојде момче. Никогаш не е доцна да станеш мајка, напишала Наоми.
View this post on Instagram
Наоми се уште не го открила името на бебето, а и со оваа бременост го потврди статусот на хероина и жена која е инспирација за сите оние припаднички на понежниот пол кои сакаат да станат мајки без оглед на возраста.
© Vecer.mk, правата за текстот се на редакцијата
