Администрацијата за храна и лекови на САД ја одобри првата генска терапија за враќање на слухот кај луѓе кои се родени глуви. Одлуката, иако веднаш влијае на луѓето родени со многу ретка форма на генетска глувост, се смета за пресвртница во потрагата по лекување на губењето на слухот.
„Ова е прв пат во историјата да има нов лек за губење на слухот“, вели Женг-Ји Чен, вонреден научник во Massachusetts Eye and Ear во Бостон, кој не бил вклучен во развојот на терапијатa, но неговиот истражувачки тим објави многу ветувачки резултати со сличен пристап во среда. „Мислам дека е историски настан, пресвртница, одличен развој за целата област“, вели тој за одобрувањето.
Одлуката на дминистрацијата се базира на резултатите од третманот на 20 пациенти родени со дефектна верзија на ген познат како OTOF, кој е неопходен за пренесување на звукот од ушите до мозокот.
Како функционира третманот? Докторот вбризгува милијарди адено-поврзани вируси во ушите на пациентите со правење мал засек зад увото за да отвори мала дупка во черепот. Вирусите носат здрава верзија на генот OTOF кој е поделен на половина за да се вклопи во вирусот. Генот дава инструкции за производство на протеинот отоферлин, кој е неопходен за клетките на косата во внатрешното уво да пренесуваат звук до мозокот.
Повеќето од пациентите почнале да слушаат за прв пат во рок од неколку недели, а квалитетот на нивниот слух се подобрил во текот на следните месеци, според компанијата Regeneron Pharnaceuticals која ја разви терапијата. Количината на пациенти кои го добиле слухот варирала, но 80% постигнале барем одредено значително враќање на слухот, а 42% завршиле со нормален слух, што вклучувало и способност да слушаат шепотења, велат од Regeneron. Способноста за слух траела најмалку две години досега.
© Vecer.mk, правата за текстот се на редакцијата
