Околу 300 ретки предмети и уметнички дела поврзани со руското царско семејство Романови, проценети на повеќе од 15 милиони долари, ќе бидат понудени на аукција на „Сотбис“ на 16 декември во Њујорк.
Според аукциската куќа, дел од колекцијата на њујоршката галерија „A La Vieille Russie“ ќе им биде понуден на колекционерите и инвеститорите, пренесува ТАСС.
Колекцијата вклучува предмети од широк спектар периоди и категории – од ремек-дела на накитот создадени од Карл Фаберже, до слики, порцелан и сребрени предмети.
Многу од експонатите се изложени на големи изложби посветени на делото на Фаберже и руската уметност во водечките светски музеи и уметнички галерии.
Пред аукцијата, избрани ремек-дела ќе бидат прикажани пред јавноста во Париз, Женева, Лондон и Њујорк.
© Vecer.mk, правата за текстот се на редакцијата
