Две жени во Грција се соочуваат со обвиненија за незаконско посвојување, откако полицијата открила случај во кој 40-годишна мајка си го продала новороденчето на друга жена за 3.500 евра, а со парите купила автомобил.
Според грчките медиуми, повикувајќи се на полицијата во западниот дел на Пелопонез, 40-годишната жена на почетокот на годинава му го предала бебето на 32-годишна жена од Аспропиргос, град во близина на Атина, во замена за пари.
Бебето е родено во јануари во регионот на Патра, а сега привремено е згрижено во болница.
© Vecer.mk, правата за текстот се на редакцијата