За време на велигденскиот пост често бараме рецепти што се едноставни и вкусни, а притоа не бараат многу време ниту комплицирани состојки. Токму таква е посната шпанска пита – рустична, миризлива и богата со зеленчук.
Крцкава однадвор, а мека и сочна одвнатре, оваа пита е идеална за ручек, појадок или ужина што може да се понесе. Благодарение на пченкарното брашно и изобилството од зеленчук, ќе ве засити без чувство на тежина.
Зошто шпанската пита е совршена за пост
Оваа верзија не содржи јајца ниту млечни производи, но и понатаму е полна со текстура и вкус. Спанаќот дава свежина, пиперката блага сладост, а слатката пченка пријатна крцкавост.
Оваа посна верзија станува сè попопуларна – особено затоа што успева од првпат и не бара посебно кулинарско искуство.
Состојки:
- 2 шолји пченкарно брашно
- 2 шолји вода
- 1 шолја ситно сечкан спанаќ
- половина шолја сечкан кромид
- половина шолја сечкана црвена пиперка
- половина шолја слатка пченка
- 1 лажичка прашок за пециво
- сол по вкус
По желба можете да додадете и малку бибер, сув зачин од зеленчук или ситно сечкан магдонос за поинтензивен вкус.
Подготовка:
• Во голем сад измешајте ги пченкарното брашно, водата, спанаќот, кромидот, пиперката, пченката, прашокот за пециво и солта. Мешајте додека не добиете изедначена, мазна смеса без грутки.
• Ако сакате побогата текстура, можете да додадете и една лажица маслиново масло, иако рецептот успева и без него.
• Намачкајте го плехот со малку масло или обложете го со хартија за печење. • Истурете ја смесата и рамномерно распоредете ја за зеленчукот подеднакво да се распореди во секој залак.
Печете во претходно загреана рерна на 180 степени околу 30 до 35 минути, додека површината не добие златно-кафеава боја, а рабовите не станат благо крцкави.
© Vecer.mk, правата за текстот се на редакцијата
