Свежина во секоја капка: ДОМАШЕН СИРУП ОД БОЗЕЛ СО МИРИС НА НАНЕ И МАТOЧИНА

Деновиве воздухот е исполнет со оној препознатлив, нежен и опоен мирис кој непогрешиво ни кажува само едно – сезоната на бозелот е во полн ек. Овој дар од природата со векови е дел од нашата традиција; речиси и да нема семејство кое нема своја приказна поврзана со берењето на белите цветови по сончевите ливади.

Подготовката на домашен сируп од бозел е многу повеќе од обичен кулинарски рецепт – тоа е драгоцен ритуал кој се пренесува низ генерациите. Тоа е спомен на куќата на баба, на стаклените тегли натопени со сонце и на она прво, вистинско летно освежување што со гордост се изнесуваше пред секој гостин. Сокот од бозел е симбол на безгрижните денови и на домашната гостопримливост, еликсир кој ја заробува свежината на мај во едно шише.

Денес ви претставувамe еден малку помодерен пресврт на оваа традиционална класика. Додека бозелот е во својот врв, полн со полен и лековитост, ве каниме да направите сируп кој во себе ја крие целата моќ на природата – овојпат збогатен со нане и матoчина за уште поголема свежина.

Состојки:

• 40 големи цветови од бозел
• 3-4 раце листови од нане
• 3-4 раце листови од матoчина
• 3 л вода
• 3 кг шеќер
• лимонтус (20-40 г по желба)
• 2-3 лимони (непрскани)

Подготовка:

1. Во голем лонец ставете ја водата и додајте го шеќерот. Варете додека сиот шеќер не се стопи.
2. Оставете малку да се пролади, па додајте го лимонтусот, цветовите од бозел, листовите матичњак и нане, како и лимонот исечен на тркалца.
3. Поклопете го лонецот и оставете го сирупот 24 часа за билките да ги испуштат своите ароми.
4. По 24 часа, процедете го сирупот низ газа, притискајќи со рацете за да излезе сиот сок.
5. Измиените шишиња и метални капачиња ставете ги во рерна на 100°C да се стерилизираат, па во жешките шишиња истурете го сирупот. Веднаш цврсто затворете ги.
6. Совет за подолго траење: Полните шишиња можете да ги ставите во тава од рерна наполнета со вода, па во рерна на 100°C околу 10 минути.

Вака подготвениот сируп може да стои долго, а по отворањето, шишето чувајте го во фрижидер. Послужете го разреден со вода и коцки мраз, со парче лимон и ливчиња нане или маточина.

Се надеваме дека овој сируп ќе ве освежи во летните горештини, но и ќе ве врати во некои безгрижни денови, исто како и мене.