Велигденскиот пост започнува на 3 март, па домаќинките веќе однапред планираат што ќе подготват за ручек и другите оброци во тие денови.
За да не останете без идеи, еве рецепт од манастирот Хилендар кој традиционално се подготвува во посни денови.
Станува збор за боранија Хилендар, вкусна чорба чиј рецепт дефинитивно ќе го запишете во вашите тетратки бидејќи покрај богатството и аромата, ова јадење е многу богато со витамини.
Состојки:
• 1 кг боранија
• 1-2 глави кромид
• 2 чешниња лук
• малку магдонос
• 3 домати
• сол
• маслиново масло
Подготовка:
Боранијата, кромидот и лукот исчистете ги, магдоносот и доматите исечкајте ги. Во поголема, длабока тава наредете ред боранија, па малку кромид и магдонос и малку сол. Истурете вода да се покрие, оставете да зоврие, па повторно наредете го зеленчукот по истиот редослед и така додека не ги потрошите сите состојки. Оставете го нежно да се крчка.
Кога боранијата ќе омекне, додадете маслиново масло по желба (ако не постите на вода) и исечканите домати, па варете уште еден час. Додадете го лукот кон крајот на готвењето. Водата треба целосно да испари и одозгора да се формира кора.
За празниците боранија можете да ја приготвите со риба, а кога не постите со месо. Во тој случај важно е при редењето рибата или месото да се стави помеѓу боранијата и кромидот.
© Vecer.mk, правата за текстот се на редакцијата
