Српскиот претседател Александар Вучиќ лансираше подкаст наречен „podkAVst“, а првиот гостин ќе биде познатиот кошаркарски тренер Мирослав Мута Николиќ.
Вучиќ на социјалните мрежи изјави дека идејата за подкастот произлегла од желбата да разговарам со луѓето за теми што не се поврзани со политиката, туку за нивните животи, искуства, успеси и неуспеси.
„Постојат разговори што сакам да ги водам долго време. Не за политика, туку за луѓето, нивните животи, успеси, неуспеси, верувања и сè што ги обликувало. За спортот, културата, уметноста, религијата, историјата...“ рече тој.
Како што додаде, целта е подкастот да биде место на „добри разговори и интересни луѓе“, но и простор каде што слушателите ќе можат да ги запознаат соговорниците од поинаква перспектива.
„Сакам да биде место на добри разговори и интересни луѓе. Место каде што можеби ќе се запознаеме малку подобро“, рече Вучиќ.
Премиерната епизода ќе се емитува во петок во 12 часот на неговиот YouTube канал.
Вучиќ ги покани заинтересираните да се претплатат на каналот и да ги вклучат известувањата за да ги следат новите епизоди.
© Vecer.mk, правата за текстот се на редакцијата
