Во главниот град на Србија вечерва пристигнуваат групи студенти и активисти кои веќе неколку дена пешки од повеќе градови во Србија пешачат кон Белград за да учествуваат на протестот закажан за утре, а белградските студенти кои се на блокада им организираа пречек на Теразије.
Во Теразије најпрвин пристигнаа група студенти велосипедисти, а во блокадата ги пречекаа белградски студенти кои во Теразије пристигнаа од повеќе правци, скандирајќи и свирејќи со вувузели и биејќи тапани, како и групи граѓани.
14.3.2025 Beograd
— Generalni Strajk Srbija - Gen. Strike 🇷🇸 (@KrahSNSa) March 14, 2025
Terazije pic.twitter.com/ksheJFkfMI
Сообраќајот е во прекин на Теразије и околните улици, како и на плоштадот Никола Пашиќ.
Docek NOBELOVACA u Beogradu
— Generalni Strajk Srbija - Gen. Strike 🇷🇸 (@KrahSNSa) March 14, 2025
Terazije, 14.3.2025 pic.twitter.com/Nvv3ORWKn6
Поставен е црвен тепих за студентите кои доаѓаат во Белград, а планиран е и хорски настап.
На Плоштадот на Републиката се поставени угостителски и неколку шатори за студентите кои пристигнуваат.
Нема полицајци во униформи.
Групи студенти од Нови Сад, Суботица, Крагуевац, Ниш, Краљево, Ужице, Крушевац, Вршац, Чачак, Ваљево и Лозница вечерва пеш и со велосипед треба да пристигнат во Белград.
На студентите кои пристигнуваат им се обезбедува сместување во зградите на факултетите, како и во некои средни училишта.
STIGLI SMO U BEOGRAD! ❤️
— Neformalna grupa studenata Niša (@ngs_nis) March 14, 2025
Ko to ide, ko to gazi?
NIŠKI STUDENT NAILAZI! 🙌#studenti #niš #MaršNaBeograd pic.twitter.com/RfUNb15lPo
Студентите кои ги блокираат факултетите за утре закажаа протест пред Домот на Народното собрание.
Студентските групи од крајот на ноември ги блокираат факултетите барајќи да се исполнат четирите барања што ги поставија и кои и покрај низата чекори преземени од надлежните државни институции, тврдат дека сè уште не се исполнети, објави Телеграф.
© Vecer.mk, правата за текстот се на редакцијата
