25 годишен српски државјанин е уапсен под сомнение дека крадел торби од гости на плажите во Будва во текот на летото. Според црногорската полиција, тој е осомничен за кражба на голем број торби со пари, вредни предмети и лични документи во областа на Будва.
„ Полициските службеници на Одделот за безбедност во Будва, постапувајќи по пријави од граѓани дека им се украдени лични предмети, пари и лични документи, спроведоа интензивни активности за идентификување и лоцирање на сторителот, при што идентификуваа млад маж (25), државјанин на Република Србија, за кого постои сомнение дека извршил повеќе кривични дела кражба“ соопшти црногорската полиција.
Преку ефикасна координација и спроведување на целна полициска операција наречена „Заседа“, службениците успеаја да го лоцираат осомничениот, по што тој беше однесен во просториите на Одделот за безбедност во Будва.
„За инцидентот бил известен надлежниот државен обвинител при Основното државно обвинителство во Котор, кој наложил младиот осомничен да биде лишен од слобода поради сомнение за сторено продолжено кривично дело кражба, а заедно со кривична пријава да биде спроведен во обвинителството за понатамошна надлежност и дејствие“ додават од Управата на полицијата.
© Vecer.mk, правата за текстот се на редакцијата
