Граѓаните на Сплит утрово ги изненадија полициски ленти и блокирана сообраќајница на улицата „Велебитска“, каде што можело да се забележи и оштетено бело патничко возило.
Од сплитската полиција за „Слободна Далмација“ потврдија дека ноќеска, околу 00:50 часот, дошло до експлозија во внатрешноста на паркиран автомобил. Во инцидентот нема повредени лица, а според првичните информации од терен, не е предизвикана материјална штета на околните објекти ниту на другите паркирани возила.
Поради вршење увид и прибирање докази, полицијата привремено затвори за сообраќај цела делница од улицата „Велебитска“, на потегот од раскрсницата со улицата „Бруно Бушиќ“ до раскрсницата со „Дубровачка“.
© Vecer.mk, правата за текстот се на редакцијата
