Шефот на Делегацијата на Европската Унија во Србија, Андреас фон Бекерат, синоќа, откако поддржувачите на Студентската листа упаднаа во просториите на Информер, повика да се воздржат од какво било насилство.
Бекерат, во објава на мрежата X, истакна дека оние кои сакаат да изразат критика или да поднесат жалби против кој било медиум, треба да го сторат тоа со достоинство и преку воспоставени законски, регулаторни и корегулаторни механизми.
„Насилството никогаш не е решение. Во исто време, го повторуваме повикот до РЕМ да покаже независност и интегритет во својата работа. Исто така, ги потсетуваме сите медиуми на нивната одговорност да придонесат за фер, одговорен и конструктивен јавен дискурс“, напиша Бекерат.
Синоќа, група поддржувачи на Студентската листа упаднаа во зградата на телевизијата Информер и ја прекинаа програмата, ги демолираа просториите, физички ги малтретираа и најавија нови насилства.
Групата поддржувачи на таа листа потоа се собраа пред зградата на ТВ Пинк, а потоа и пред РТС.
Regarding this evening’s events at the premises of Informer, we once again urge everyone to refrain from any violence. Those who wish to express criticism or raise complaints against any media outlet should do so with dignity and through established legal, regulatory, and co-regulatory mechanisms. Violence is never the solution. At the same time, we reiterate our call on REM to demonstrate independence and integrity in its work. We also remind all media outlets of their responsibility to contribute to a fair, responsible, and constructive public discourse.
— A von Beckerath (@vBeckerath) October 26, 2026
© Vecer.mk, правата за текстот се на редакцијата
