ПОДМЕТНАТ ПОЖАР ПРЕД КУЌАТА НА АЛЕКСАНДРА ПРИЈОВИЌ: Пламенот зафатил две возила, полицијата трага по сторителите

Vecer | 16.11.2026

ПОДМЕТНАТ ПОЖАР ПРЕД КУЌАТА НА АЛЕКСАНДРА ПРИЈОВИЌ: Пламенот зафатил две возила, полицијата трага по сторителите
Додај го Вечер како твој извор на Google (се отвора во нов таб)

Синоќа бил запален автомобил пред семејната куќа на пејачката Александра Пријовиќ и нејзиниот сопруг Филип Живојиновиќ во белградската населба Бежанијска коса.

Инцидентот се случил на паркингот веднаш спроти куќата на познатиот пар, а пожарот избувнал откако двајца непознати мажи се приближиле до теренското возило, го полиле со запалива течност од кофи и го запалиле, пишува српски „Блиц“. Целиот настан е снимен од надзорните камери.

Голема материјална штета

Објавените фотографии од местото на настанот го откриваат обемот на штетата. На нив се гледа црно теренско возило „вранглер Рубикон“, чиј преден дел е значително оштетен. Предниот лев браник е изгорен и делумно стопен, а траги од огнот се забележливи и околу светлото.

Остатокот од џипот се чини дека е претежно зачуван, а големата бела ѕвезда сè уште се издвојува на страничната врата. Сепак, пламенот го зафатил и белиот автомобил паркиран веднаш до него, кој исто така претрпел големи оштетувања на предниот десен дел. На земјата помеѓу возилата се видливи остатоци од изгорен материјал.

Полицијата спроведува детална истрага

Според српските медиуми, полицијата спроведува детална истрага на Бежанијска коса. По извршениот увид и разговорот со соседите, инспекторите разговарале со Александра Пријовиќ и Филип Живојиновиќ во нивниот дом, каде што се задржале околу половина час.

Истражителите ги зеле снимките од безбедносните камери од околните улици за да се обидат да ја утврдат точната рута на движење на осомничените пред и по подметнувањето на пожарот. Целта е што попрецизно да се реконструира нивното пристигнување и бегство од местото на настанот.

Мотивот за нападот и идентитетот на сторителите сè уште се непознати, а засега нема информации дали некој е повреден. Сè се случило пред куќата што Пријовиќ и Живојиновиќ темелно ја реновираа минатата година.

© Vecer.mk, правата за текстот се на редакцијата

Vecer.mk е прв македонски информативен портал, основан во 2004 година.

2004-2026 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004- 2026. Vecer.mk