Давор Дабиќ, познат по прекарот Даба, е ранет вечерва во вооружен напад во Источно Сараево. Според информациите на Klix.ba, напаѓачот му се приближил одзади и испукал неколку куршуми, по што дабиќ паднал на земја. Брзата помош веднаш пристигнала на местото и го пренела во болница, објави Klix.ba.
Полицијата го опколи паркингот
Пукањето се случило на паркингот во близина на улицата Спасовданска. Полицијата го опколила местото, а на терен има голем број полициски возила.
Истрагата е во тек.
Дабиќ претходно беше уапсен во полициската операција „Пролом 2“ под сомнение дека е член на криминална група вклучена во трговија со дрога. Истрагата беше покрената по дешифрирањето на комуникацијата од апликациите „Скај“ и „Аном“, а обвинителството сè уште работи на случајот.
Неговото име беше споменато и за време на судењето во случајот „Волан“, кој се однесува на организирани кражби на автомобили. Според наводите од тој случај, Дабиќ бил поврзан со пукањето во еден од осомничените и неговиот брат.
Второ пукање за два дена
Вчера во истата област имаше пукање, недалеку од местото на вечерашниот напад.
Според неофицијални информации, полицијата го сомничи Ѓорѓе Ждрала за вчерашната пукотница, а наводно цел бил Коста Пандуревиќ. Засега не е познато дали двата настани се поврзани.
© Vecer.mk, правата за текстот се на редакцијата
