Полицијата уапси француски државјанин на граничниот премин Муриќани, осомничен за обид за нелегално шверцување на тајландски државјанин од Албанија.
Според полицијата, уапсен е граѓанинот Том Хак, 26 години, со француско државјанство.
При преглед на неговото возило на албанскиот граничен премин Муриќани, службите на граничната полиција пронајдоа куфер на задното седиште, во кој била скриена тајландска државјанка. Се сомнева дека е направен обид за нелегално извлекување од територијата на Република Албанија.
Од првите истражни дејствија, се чини дека намерата на французинот била да ја транспортира тајландската државјанка преку територијата на Црна Гора, а потоа и Хрватска, со крајна дестинација Франција, избегнувајќи ги законските процедури за премин и влез во тие земји.
Според полициското соопштение, по утврдувањето на случајот, уапсени се еден француски државјанин и тајландска државјанка, додека местото на инцидентот е обезбедено и продолжуваат истрагите за целосно расветлување на околностите на случајот.
© Vecer.mk, правата за текстот се на редакцијата
