Романската војска уништи морски дрон во Црното Море откако беше забележан на неколку стотини метри од гасната платформа Нептун Дип, во ексклузивната економска зона на Романија. Вршителот на должноста романски министер за национална одбрана, Раду Мируца, изјави дека крајбрежната стража утрово го пријавила присуството на дронот, на околу 80 наутички милји источно од Констанца, објави порталот Digi24. Поради близината на критичната гасна инфраструктура и фактот дека на платформата имало неколку стотици луѓе, романските власти одлучиле да го уништат.
По инцидентот, беше формирана командна ќелија на ниво на Министерството за национална одбрана, а романските власти побараа од романската армија да ја преземе командата во рамките на НАТО. По проценка на ситуацијата и консултации со романскиот претседател, беше одлучено да се уништи дронот. Два романски борбени авиони Ф-16 беа подигнати од земјата и добија наредба за пукање. Според Мируца, дронот потоа бил безбедно уништен. Тој изјави дека леталото било наполнето со експлозиви. Романските власти, исто така, го проверуваат потеклото на дронот. Преку неодамна воспоставен директен комуникациски канал, тие контактираа со украинската страна, која, според Мируца, официјално потврди дека дронот не е од украинско потекло.
© Vecer.mk, правата за текстот се на редакцијата
