Причината лежи во неговиот настап во Врање. На 20 февруари, Десингерица имаше настап со живо јагне на сцената, објави Телеграф.
Му беше донесено живо јагне, кое се обиде да избега, додека Деспиќ ја изведе својата песна „Чоколада“.
Настапот предизвика лавина од негативни коментари на социјалните мрежи, а многу корисници изразија шок и негодување од третманот на животното.
Основното јавно обвинителство потврди дека добиле и три кривични пријави против одговорните лица во клубот во Врање, каде што настапуваше раперот.
- Во понатамошниот тек на постапката, ќе биде поднесено барање до надлежното Полициско одделение во Врање за собирање на потребните информации за сите околности на критичниот инцидент - се наведува во одговорот на Јавното обвинителство.
- Настапував со јагне?! - нè праша Десингерица кога го прашавме за коментар за горенаведеното.
Кога го прашаа за јагнето што му го донесоа на сцената, тој рече:
- Па, ми донесоа и кокаин, па не го зедов, и? Не се дрогирам.
Потоа истакна дека не знае ништо за кривичните пријави што се поднесени.
- Што ќе правам? Мислам, што ќе правам... Како да кажам „некој ви донесе камион дрога таму“. За што ме гонат? За пеење на микрофон? Имам лиценца за пеење. Зошто да ангажирам адвокат, за нешто што не сум го направил? Не мислам дека има потреба, само ретардиран не може да го види тоа. Нека поднесат кривични пријави против кланиците, за убивање! - рече Десингерица.
© Vecer.mk, правата за текстот се на редакцијата
