Спогодбата за инвестирање беше потпишана од Бајрактар и неговиот саудиски колега, принцот Абдулазиз бин Салман, за време на посетата на турскиот претседател Таип Ердоган на Ријад, објави турски функционер на платформата X.
Според договорот, саудиските компании во првата фаза од проектот ќе градат соларни електрани во турските покраини Сивас и Караман, со вкупен капацитет од 2.000 мегавати, рече Бајрактар.
Капацитет за повеќе од два милиони домаќинства
Според него, новите капацитети ќе ги задоволат потребите за електрична енергија на околу 2,1 милиони домаќинства во Турција.
Тој додаде дека вкупниот капацитет на соларни електрани и ветерни електрани што саудиските компании планираат да ги изградат во Турција ќе достигне 5.000 мегавати.
„Ги сметаме овие инвестиции за еден од најважните примери за странски директни инвестиции во нашиот енергетски сектор, а тие ќе бидат целосно реализирани преку надворешно финансирање“, рече Бајрактар, додавајќи дека заемот ќе биде обезбеден и од меѓународни финансиски институции.
© Vecer.mk, правата за текстот се на редакцијата
