Мигранти се обидоа илегално да влезат во Обединетото Кралство: Дури 230 луѓе го преминале Ламанш во еден чамец

 Претходниот рекорд бил поставен минатиот месец, кога 165 луѓе пристигнале во Британија на ист начин.

Вкупно 230 лица пристигнале во Велика Британија во текот на ноќта со мал чамец, објавија денеска британските медиуми.

Ова е рекорден број луѓе што досега успешно го преминале Ламанш до Велика Британија со еден чамец, пренесува „Скај њуз“. 

Портпарол на британското Министерство за внатрешни работи изјави дека владата презема строги мерки против преминувањата со мали чамци.

„Оваа влада презема строги мерки против преминувањата со мали чамци, при што се бележат рекордни нивоа на депортации на мигранти кои пристигнале со мали чамци и пад од 12 отсто во бројот на барања за азил“, изјави портпаролот на британското Министерство за внатрешни работи.