Демократскиот кандидат Абдул Ел-Сајед прогласи победа на меѓуизборите во американската сојузна држава Мичиген. Доколку официјалните резултати ја потврдат неговата победа, тој ќе влезе во историјата како првиот муслиман избран во американскиот Сенат.
– Мичиген, успеавме! Многу сум горд и почестен што сум избран за ваш сенатор. Му укажавте доверба на кандидатот од кого тоа најмалку се очекуваше. Нашите противници сакаа Америка која е премала за некои од нас, но ние знаеме дека таа е доволно голема за сите – им се обрати Ел-Сајед на своите поддржувачи.
Според проекциите на релевантните американски медиуми и платформи за следење на изборите, Ел-Сајед во пребројувањето освои нешто повеќе од 50 отсто од гласовите, победувајќи го republikанскиот ривал Мајк Роџерс, кој освои околу 47 проценти.
Ел-Сајед е лекар по професија, роден во Мичиген во семејство на египетски доселеници, а претходно раководеше со здравствените оддели во Детроит. За време на кампањата, тој беше една од главните мети на напади од страна на Доналд Трамп, кој отворено го поддржа Роџерс. Од друга страна, демократскиот кандидат ја уживаше поддршката на поранешниот претседател Барак Обама.
Според прелиминарните резултати од овие меѓуизбори, Демократската партија се очекува од јануари да преземе мнозинство во двата дома на американскиот Конгрес – и во Претставничкиот дом и во Сенатот.
© Vecer.mk, правата за текстот се на редакцијата
