Бројот на загинати во земјотресот со јачина од 7,7 степени што ја погоди Индонезија во саботата се искачи на најмалку 47, додека десетици луѓе се повредени, а стотици згради се урнаа, соопштија индонезиските власти, предупредувајќи дека бројот на жртвите би можел да се зголеми.
Според претходните извештаи, бројот на жртви изнесувал 38. Шефот на Националната агенција за управување со катастрофи, Сухарјанто, изјави дека спасувачките екипи извлекле најмалку 47 тела, главно во областите Сика, Мангарај и Источен Мангарај, додека најмалку 50 лица биле пренесени во болници.
Според него, земјотресот целосно уништил најмалку 157 куќи и оштетил уште речиси 200, поради што околу 2.000 жители морале да ги напуштат своите домови и да се преселат во привремени засолништа.
🇮🇩Horrifying footage from Indonesia as a massive earthquake strikes… and you can see the panic unfold in real time.
— Mario Nawfal (@MarioNawfal) August 16, 2026
Buildings shaking, people scrambling for safety, and absolute chaos.
These visuals capture just how terrifying a 7.7-magnitude earthquake can be.… https://t.co/MxBCnC0swA
Оштетени се и многу јавни објекти, вклучително 87 образовни установи, 18 здравствени установи, пет верски објекти, шест владини канцеларии и друга јавна инфраструктура.
Indonesia
— Tendencias en X (@TendenciasenX1) August 15, 2026
El retroceso del mar que anticipa el tsunami: los videos virales tras el terremoto de 7.7 en Indonesia pic.twitter.com/PNrqIQZIEN
Земјотресот, како што пренесува АП, го погоди подрачјето на островот Флорес во 5:58 часот наутро по локално време, на длабочина од 10 километри, соопшти Американскиот геолошки институт (USGS).
© Vecer.mk, правата за текстот се на редакцијата
