Арсенал се соочува со сериозен проблем откако Букајо Сака се повреди на дуелот со Баерн Минхен во Лигата на шампионите, кој заврши 2:2. Англискиот репрезентативец го напушти теренот уште во 10. минута поради повреда на бутниот мускул.
„Не изгледа добро. Кога играч мора да го напушти теренот поради остра болка, тоа никогаш не е добра вест“, изјави менаџерот Микел Артета.
Дополнителните прегледи треба да ја утврдат сериозноста на повредата и времето потребно за закрепнување. Според медиумските процени, постои можност Сака да отсуствува од шест до осум недели, но засега нема официјална потврда за точниот период на паузата.
