Луис Енрике покажа дека размислува за сегашноста и иднината. Тренерот на Пари Сен Жермен го пронајде своето следно засилување во Мадрид, во редовите на Реал Мадрид.
Според шпанските медиуми, новата мета на францускиот гигант стана еден од најталентираните дефанзивци на Реал Мадрид, младиот Жоан Мартинез.
„Марка“ тврди дека парижаните внимателно го следат развојот на 18-годишниот дефанзивец. Спортскиот советник на клубот, Луис Кампос, познат по својата способност да идентификува и донесе врвни млади таленти пред да експлодираат на големата сцена, игра клучна улога во овој процес.
Мартинез сè уште не дебитираше за првиот тим на Реал, но тоа воопшто не го намалува интересот за него, бидејќи тој веќе е редовен играч во Кастиља.
Тој е исто така дел од генерацијата што ја освои Лигата на шампионите за млади, што го става меѓу најперспективните играчи на неговата позиција во Европа.
Во Мадрид, тој се смета за долгорочно решение во задната линија и наследник на сегашните ѕвезди. Затоа не е изненадувачки што неговиот договор е врзан до 2029 година, со откупна клаузула од дури 150 милиони евра.
Оваа бројка многу зборува за тоа колку Реал Мадрид го цени, но и колку ќе бидат комплицирани евентуалните преговори.
Веќе е јасно дека кралскиот клуб нема намера лесно да пушти уште еден бисер од својата академија.
Од друга страна, ПСЖ не се откажува од својата стратегија, која вклучува доведување млади играчи со голем потенцијал.
Иако евентуалниот трансфер на Мартинез ова лето изгледа како тешко сценарио за остварување, фактот дека ПСЖ веќе го следи сугерира дека оваа приказна би можела да добие посериозни контури во годините што доаѓаат.
Затоа што во модерниот фудбал, ваквите потези ретко се случајни. Тие се планираат со месеци, па дури и со години однапред.
