Вистинска крвава драма се одвивала синоќа во Македонска Каменица, каде што 23-годишна жена е лишена од слобода откако по жестока семејна расправија физички ги нападнала свекрвата и свекорот, користејќи и ладно оружје.
Според информациите од полицијата, инцидентот се случил синоќа, околу 21:35 часот. На настанот му претходела жестока расправија помеѓу младата жена и нејзиниот сопруг. Ситуацијата ескалирала кога 23-годишната снаа прво физички ја нападнала својата свекрва, а потоа фрлила нож кон свекорот, погодувајќи го во ногата. Погодениот свекор потоа ја удрил снаата со тврд предмет за да ја запре.
Полициски службеници од ПО Македонска Каменица веднаш интервенирале и ја уапсиле младата жена, а по целосно расчистување и документирање на случајот, против учесниците ќе следуваат соодветни поднесоци.
© Vecer.mk, правата за текстот се на редакцијата
