Центарот за управување со кризи соопшти дека до 7:30 часот биле регистрирани вкупно 46 пожари на отворен простор, од кои седум се активни, а еден е ставен под контрола.
Активни се пожарите кај месноста „Над Боровите“, на кракот кон селото Татар Елевци и Кораб, како и на кракот кон селото Бањиште во Општина Дебар.
Пожари има и кај селото Јаболчиште во општина Чашка, кај селото Стрима во Општина Липково, над Боговињско Езеро на Шар Планина, на депонијата Краста во Куманово, кај селото Добровени во Општина Новаци и меѓу селата Белчишта и Лешани во Општина Дебарца.
© Vecer.mk, правата за текстот се на редакцијата
