Тешка сообраќајна несреќа што ноќеска се случи на патот Охрид-Кичево заврши со трагичен исход, при што животот го загуби 33-годишниот Антонио Савески од Охрид, тренер во младинската школа на кошаркарскиот клуб „Ангели“. Несреќата повторно го сврте вниманието кон опасностите на оваа патна делница, а Охрид денеска се збогува со млад човек кој беше дел од кошаркарската заедница и работеше со најмладите.
Савески потекнува од Охрид, каде што ги направи првите кошаркарски чекори, а подоцна започна и со тренерската работа. Работеше и со млади кошаркари во школата на Водно Партизан.
Савевски беше познат и по својата голема љубов кон спортот и колекционерството. Во неговата колекција имало околу 500 кошаркарски дресови.
Според информациите од МВР, автомобилот со кој управувал Савески најпрво удрил во кучиња скитници, по што излетал и се забил во металните браници покрај патот. Возилото потоа се запалило.
© Vecer.mk, правата за текстот се на редакцијата
