Се забранува водата за пиење во струмичките села Рич, Попчево, Белотино и Вељуса – соопштија попладнево од Општина Струмица во објава на Фејсбук, додавајќи дека одлуката е донесена од страна на Агенцијата за храна и ветеринарство (АХВ) по спроведен вонреден инспекциски надзор.
- Решението е донесено од страна на АХВ врз основа на вонредниот инспекциски надзор, а при кој е констатирано отсуство на резидуален хлор и контаминација со бактерии – индикатори на фекално загадување“, соопштија од Општина Струмица.
Освен за пиење, водата се забранува и за подготовка на храна и послужување во јавни објекти. Од Општина Струмица апелираат граѓаните да се придржуваат до одлуката сè додека не се утврди исправност на водата.
© Vecer.mk, правата за текстот се на редакцијата
