Седум пожари на отворен простор има регистрирано до 13:00 часот на територија на државата. Два во моментов се активни, два се под контрола, а три се изгаснати, информира попладнево Центарот за управување со кризи.
Од активните пожари, едниот е во подрачјето на село Могила, каде гори ниска вегетација. Другиот е на територија на општина Долнени, во регионот на село Ропотово, каде опожарено е стрниште.
Од пожарите ставени под контрола, едниот е на депонија во општина Делчево, а другиот во место викано „Стојанова населба“ во подрачјето на село Грешница, општина Македонски Брод, каде опожарени се ниска вегетација, деградирана шума и грмушки.
Изгаснатите пожари биле на територија на општините Василево, Гостивар и Петровец.
© Vecer.mk, правата за текстот се на редакцијата
