Сремушот (Allium ursinum), познат и како мечкин лук или див лук, е одличен за зајакнување на имунитетот и за подобрување на циркулацијата. Од друга страна, младиот лук е богат со витамини и влакна, а сето тоа заедно создава фантастичен здрав оброк.
Овој намаз одлично оди со леб или како додаток на разни јадења, а неговата хранлива вредност придонесува за вашето здравје, го поддржува имунитетот и го подобрува варењето.
Потребни состојки:
• 2 китки сремуш
• 2 китки млад лук
• 200 гр младо сирење
• маслиново масло
• морска сол и бибер
Подготовка:
Сремушот ситно се сечка, се додава младото сирење и сечканиот млад лук. Сè убаво измешајте и додека мешате, постепено додадете маслиново масло додека смесата не стане мазна и кремаста. По желба додадете малку бибер и морска сол.
Корисни ефекти на сремушот
Сремуш е растение богато со витамин Ц и минерали, кое благотворно делува на многу здравствени проблеми. Неговите лековити својства вклучуваат:
Висок холестерол и крвен притисок – младите листови од сремуш помагаат во намалување на холестеролот и крвниот притисок, спречувајќи атеросклероза.
Воспаленија и инфекции – штити од настинки, грип, ги прочистува дишните патишта и помага во лекување на бронхитис.
Чир на желудникот и гастритис – ги смирува иритациите и болките во стомакот.
Здравје на срцето – ја подобрува еластичноста на крвните садови, го штити срцето и го намалува ризикот од срцев удар.
Кожа – одлична за воспалена кожа, егзема и дерматитис, особено како купка.
Прочистување на организмот – ефикасен е за чистење на црниот дроб, бубрезите, цревата и жолчното кесе од токсини.
© Vecer.mk, правата за текстот се на редакцијата
