Од утре во Букурешт стартува „Недела на македонски производи“, еднонеделната промоција на домашни земјоделски и прехранбени производи ќе ја отворат Министрите за земјоделство и за економија, Арјанит Хоџа и Крешник Бектеши, како и македонскиот амбасадор во Романија, Габриел Атанасов.
Настанот во Букурешт како што најавија од МЗШВ, ќе се одржи во зградата на Стопанската комора на Романија.
Пред влезот во салата ќе бидат поставени штандови со македонски производи од повеќе компании, кои ќе се презентираат со свои брендови и кои се наменети за дегустација за гостите на настанот и за сите посетители кои во наредните денови ќе ја посетат промоцијата. Таа ќе трае до 18 јуни.
