Австрискиот пазар на трудот моментално нуди голем број можности за работници кои, покрај германскиот и англискиот јазик, зборуваат и некои од јазиците од балканскиот регион.
За некои отворени работни места, познавањето на босански, хрватски или српски јазик не само што е дополнителна предност, туку е експлицитно наведено во огласот за работа. Вакви можности може да се најдат во Виена и околината, но и во други делови од Австрија.
Неколки огласи се истакнати во кои се бара или особено се цени познавање на еден или повеќе јазици од регионот.
Allianz – Работник за поддршка на клиенти за хрватскиот пазар
Allianz во Виена бара работник за работа во поддршка на клиенти фокусиран на хрватскиот пазар. Меѓу барањата е течно познавање на хрватскиот јазик, заедно со германски и англиски јазик најмалку на ниво Б2.
Ова е работа со полно работно време, со можност за комбинирана работа во канцеларија и дома.
LKW WALTER – Менаџер за транспорт со српски, босански или хрватски јазик
Компанијата LKW WALTER во Винер Нојдорф бара Менаџер за транспорт. Кандидатите треба да имаат многу добро познавање на еден од јазиците – српски, босански или хрватски – заедно со познавање на германски или англиски јазик.
Почетната годишна бруто плата е околу 43.800 евра, а работното место вклучува можност за работа од дома.
BTG Spedition – Диспечер со познавање на хрватски, српски или босански јазик
BTG Spedition во Винер Нојдорф бара диспечер кој, со соодветно искуство, зборува босански, хрватски или српски јазик.
За оваа работа е потребно и добро познавање на германскиот јазик, додека искуството во логистика и организација на транспорт се меѓу важните потребни квалификации, пренесува Слободна Босна.
© Vecer.mk, правата за текстот се на редакцијата
