За пензионерите во Македонија се очекува ново зголемување на пензиите. Со исплатата на септемвриската пензија, која треба да пристигне на почетокот на октомври, се очекува да биде применето новото процентуално усогласување.
За разлика од претходните линеарни покачувања, кога пензионерите добиваа ист дополнителен износ, сега зголемувањето ќе зависи од висината на пензијата. Според досегашните пресметки наведени во информациите, усогласувањето би можело да изнесува околу три проценти.
Доколку процентот биде 3 отсто, пензионер со пензија од 20.000 денари би добил околу 600 денари повеќе, односно пензијата би изнесувала околу 20.600 денари.
Кај пензија од 30.000 денари, покачувањето би било околу 900 денари, додека пензија од 40.000 денари би пораснала за приближно 1.200 денари. Пензионерите кои примаат 50.000 денари би добиле околу 1.500 денари повеќе.
Сепак, точниот износ ќе зависи од официјалниот процент на усогласување.
Новото усогласување следува по претходниот циклус на зголемување на пензиите. Во септември 2024 година пензиите беа линеарно зголемени за 2.500 денари, а дополнителни 2.500 денари следуваа во март 2025 година.
Сега повторно се применува процентуално усогласување, при што висината на покачувањето ќе зависи од износот што го прима секој пензионер.
© Vecer.mk, правата за текстот се на редакцијата
