Кој вели дека со македонска музика не можат да се урнат рекорди? Неверните Томовци уште еднаш ги демантираше фолкерот Спасен Силјаноски кој викендов имаше и повеќе од успешен настап во Швајцарија, патем рекорден по многу нешта. Но да почнеме од почеток. Од приемот, поминот и целата организација од страна на здружението Изведен Ораовица, не е задоволен само Спасен, кој и јавно се заблагодари за се на социјалните мрежи, задоволни се и нашинците, кои ги имало во рекорден број.
Судејќи според досегашните слични забави домаќините очекувале 400-500 гости, бројка со која би биле задоволни, но Спасен ги надминал очекувањата и на едно место собрал три пати повеќе гости. Освен луѓе од цела Швајцарија имало нашинци кои живеат и во Италија, Германија...
„Пееше без престан 7 часа, исклучиво македонска музика и ниту една песна не повтори“, велат задоволните гости, а за што сведочат и објавите на социјалните мрежи.
Фолкерот, пак, скромно ги потврди нашите сознанија и само кусо ни рече: „Кога мојата публика е задоволна и среќна, јас сум уште позадоволен и посреќен.“
