Имено, еден од фотографите се сопнал на скалите и паднал. 61-годишниот актер веднаш му пришол на помош и му помогнал да стане. Потоа им подели неколку автограми на фановите кои се собраа пред клубот во Лондон, каде сопругата на Дејвид Бекам ја организираше прославата.
Потсетуваме дека на роденденот на Викторија дојдоа многу нејзини пријатели, а на крајот од забавата Дејвид Бекам ја изнесе од клубот во кој се одржуваше забавата. Покрај Круз, на забавата беа поранешната манекенка Џеки Ст. Клер, Ева Лонгорија, поранешниот сопруг на Џенифер Лопез, Марк Ентони и сите четири колешки на Викторија од Spice Girls. Британските медиуми пишуваат дека Викторија, Гери, Мел Би, Ема и Мел Си ги почестиле гостите со изведба на хитовите на Spice Girls.
Бекам за роденденот на сопругата потрошил преку 300.000 долари, а нејзиниот омилен готвач го ангажирал и ѝ го купил омилениот шампањ, кој чини повеќе од 3.500 долари по шише.