Ќерките на Френк Синатра му испратиле на Реј Лиота лажна коњска глава откако тој одбил да го игра нивниот татко, изјави еднаш актерот кој ненадејно починал на 67-годишна возраст.
Пред една година Лиота за американските медиуми изјави дека Ненси и Тина Синатра му испратиле чуден пакет откако тој го одбил нивното барање да го глуми нивниот татко во ТВ мини серијата што ја снимале.
- Неговите ќерки сакаа да глумам во мини серија и кога тоа го направија јас се чувствував премногу непријатно - изјави актерот.
Лиота, инаку, го играше Синатра во филмот „The Rat Pack“ од 1998 година.
Реј открил дека Тина и Ненси му испратиле лажна глава на коњ кога дознале дека се согласил на „The Rat Pack“, откако тој ги одбил за нивната мини серија.
- Направивме филм и добив глава од коњ - изјави Лиота за „Индепендет“.
- Очигледно таа не беше вистинска, но беше глава на коњ. И знаете, глава на коњ значи дека сте „готови“.
„Подарокот“ е омаж на сцената од криминалистичката драма на Френсис Форд Копола, Кум, во која отсечена глава на коњ е испратена како закана до Џек Волц (го игра Џон Марли), откако тој го одбл барањето на семејството Корлеоне.
© Vecer.mk, правата за текстот се на редакцијата
