По разгледувањето на расположливите ресурси, трошоците за целиот проект и обврските кои Јавниот сервис ги очекува во наредниот период, донесена е одлука Црна Гора да не учествува на Евровизија следната година.
Одлуката е донесена затоа што било оценето дека постоечките ресурси треба да се насочат кон финансирање на тековни и планирани национални проекти и организациски и програмски реформи, пишува РТЦГ.
- Покрај значителните трошоци за котизација, како и трошоците за престој во Велика Британија - се соочивме и со незаинтересираност од спонзорите, па решивме постоечките ресурси да ги насочиме кон финансирање на тековни и планирани национални проекти и организациски и програмски реформи, кои повлекуваат значајни инвестициски проекти во опрема и простории, велат од Јавниот сервис.
Да потсетиме, Евровизија во 2023 година требаше да се одржи во Украина, бидејќи Украина победи на последниот натпревар, но поради неповолната ситуација решено е поинаку.
Домаќин на следниот Евросонг ќе биде Велика Британија, т.е. Ливерпул, чиј претставник го освои второто место во овогодинешното натпреварување.
© Vecer.mk, правата за текстот се на редакцијата
