Мухарем Сербезовски, пејач, композитор, писател, преведувач и магистер по право, минатата година прослави 50 години кариера. Пејачот постигна голем успех, но малкумина знаат дека пораснал во сиромаштија. Мухамер израснал во најголемата ромска населба на Балканот, Шуто Оризари, во Скопје, во единаесетчлено семејство.
- Детството ме потсетува на сиромаштија. Бевме девет деца. Шест сестри и тројца браќа. Спиевме во една соба, наредени како сардини. Кој има среќа и ќе стигне на време за јадење, ќе си го изеде. Имаше денови кога бевме навистина гладни. Детството ми остави голема трага. Тогаш постојано си мислев дали ќе се извлечам од таа беда. Бев желен за се. Кога имав 12 години за прв пат пробав чоколадо и млеко. Меѓутоа, кај нас со насмевка се поднесуваа гладот и ситоста, раскажал во една прилика Мухарем.
- Моите родители беа горди и покрај својата сиромаштија. Татко ми беше учител во училиштето во кое учев, а мајка ми чистачка во богати куќи. Секогаш не тераше да учиме. Во книгите има реченица: „Човекот е создаден да се труди“, и тој се водеше по неа. Сите ми беа петки за време на училиштето. Бев фино дете, целосно оперирано од инциденти. Моите родители беа и останаа горди на мене поради тоа.
Инаку, Сербезовски пред една година беше опериран во Турција, и тогаш рече дека пеел на операционата маса.
- Сега сум фантастичен, два месеци бев во Турција на лекување. Интересно е, каде и да одам ме следат 12 луѓе и ми бараат да им ги пеам моите песни. Што да правам, морам да им пеам. Истото ме чекаше и во болница - се присети Сербезовски и открива дека од него најбарани се „За венчаним столом“, „Сине мој“.
Мухарем важи за еден од најбараните пејачи на приватните забави на кои заработува огромни суми на пари. Во една прилика за песната „Зошто су ти косе побеле друже“ добил дури 20.000 евра.
© Vecer.mk, правата за текстот се на редакцијата
