Овие цени се поддржани од надежите дека ревидираните мерки за ограничување на коронавирусот во Кина ќе ја засилат побарувачката и загриженоста за снабдувањето од Русија поради застојот на танкери во Босфорот.
На лондонската берза цената на барел по пладне беше повисока за 57 центи отколку на затворањето на тргувањето вчера и изнесуваше 79,92 долари. На американскиот пазар со барелот се тргуваше за 35 центи поскапо, по цена од 74,60 долари.
Денеска пазарот беше фокусиран на запирање на танкерите во Босфор.
Најмалку 20 танкери со нафта чекаат во турските води за да преминат од Црното Море во Средоземното Море, бидејќи нивните оператори се обидуваат што е можно поскоро да се усогласат со новите турски прописи за осигурување, воведени пред Г7 да ја ограничи цената на руската нафта, соопштија вчера извори од индустријата. .
Г7 им се закани на осигурениците и превозниците со санкции доколку транспортираат руска нафта поскапа од 60 долари.
Русија размислува за одговор на ограничувањето на цената, вклучувајќи забрана за продажба на нафта на некои земји и воспоставување максимален попуст, објави рускиот деловен весник Ведомости.
Новинската агенција РИА го цитира потпретседателот на руската влада дека Москва е загрижена поради акумулацијата на танкери во Босфорскиот теснец.
„Доколку довербата во непреченото снабдување со руска нафта одигра некаква улога во неодамнешниот пад на цената, тоа веројатно се засноваше на заблуда. Тоа најдобро се покажува со застанувањето на танкерите во турските води“, рече Тамаш Варга од PVM.
Цените беа поддржани и од најавата на Кина за поопсежни промени во мерките за сузбивање на ковид од почетокот на пандемијата, бидејќи тоа може да ја зголеми побарувачката.
Засилена побарувачка сигнализира и пад на залихите на сурова нафта во САД минатата недела, за околу 6,4 милиони барели, според пазарни извори кои имале увид во извештајот на Американскиот институт за нафта (API), објавен вчера.
Значителниот раст е забавен со предупредувањето на големите американски банки за можна рецесија следната година.
Организацијата на земјите извознички на нафта (ОПЕК) денеска одделно објави дека цената на барел од нафтената кошничка на нејзините членки вчера паднала за 3,39 долари на 79,77 долари.
© Vecer.mk, правата за текстот се на редакцијата
