Јун и неколку високи јужнокорејски функционери се соочуваат со кривична истрага за можни обвиненија за бунт, злоупотреба на власта и попречување на граѓаните да ги остварат своите права.
Ли Џае Мјунг, лидерот на главната јужнокорејска опозициска Демократска партија (ДП), претходно денеска предложи формирање на консултативно тело кое ќе ја координира работата на парламентот и владата за стабилизирање на власта во земјата еден ден по импичментот на претседателот Јун.
- Нормализацијата во Република Кореја е итно потребна. Демократската партија активно ќе соработува со сите политички партии за да се стабилизира владата и да се врати меѓународната доверба, рече Ли на прес-конференција, пренесе Јонхап.
Јун вчера најави дека нема да се повлече откако парламентот гласаше за негово отповикување и рече дека ќе се бори до последен момент.
© Vecer.mk, правата за текстот се на редакцијата
