Памфлетот, насловен „Ако има криза или војна“, се ажурира од пред шест години поради, како што го нарекува владата во Стокхолм влошената безбедносна ситуација, која вклучува целосна руска инвазија на Украина. Книшката, сега е двојно поголема.
На списокот со артикли кои треба да се чуваат дома се храна која не се расипува, како што се конзерви со грав, енергетски плочки и тестенини, како и лекови вклучувајќи таблети со јод во случај на нуклеарна несреќа... Проверивме што друго има на списокот:
Вода
Во памфлетот стои дека се потребни најмалку три литри вода дневно - главно за пиење и готвење.
„Во случај на недостиг на вода за пиење, вашата општина може да обезбеди јавни резервоари за вода. Сепак, секогаш треба да имате некои резерви дома за итни случаи. Земете контејнери за складирање вода или кофи со капаци. Купете флаширана вода или наполнете контејнери“, се вели во упатствата.
На граѓаните им се препорачува водата да ја чуваат на темно и ладно место.
„Проверете ја водата дали има необичен вкус или мирис еднаш или двапати годишно. Променете ја кога е потребно. Ако не сте сигурни дали водата е безбедна за пиење, зовријте ја“, стои во упатствата.
На граѓаните им се препорачува да ја чуваат водата во пластични шишиња во замрзнувач, бидејќи во случај на прекин на електричната енергија може да послужат како мраз за зачувување на храната.
„Кога ќе се стопи мразот, можете да ја пиете таа вода. Не полнете ги шишињата до врвот бидејќи може да пукнат“, се вели во објавата.
Храна
Кога станува збор за советите за храна, тие наведуваат дека ви треба храна која заситува и енергизира и која може да се чува на собна температура.
„Набавете храна што може да се подготви брзо, бара многу малку вода или може да се јаде веднаш. Започнете да складирате со едноставно купување дополнителен или два предмет кога редовно купувате“, советува таа.
Добри работи што треба да ги чувате дома:
• житарки
• тестенини
• ориз
• кускус
• инстант пире од компири
• млеко во прав
• тортиљи
• двопек
• крекери
• сол и зачини
Конзервирана храна:
• домати
• конзервиран зеленчук
• конзервирано овошје
• конзервирани готови оброци
Во домот се препорачува да се чуваат сушено или конзервирано месо и риба, наут, грав, леќа и сирење кои можат подолго да траат.
Покрај маслото за пржење, во домот треба да имате и тегли со сос од песто, сушени домати во масло, путер од кикирики, јаткасти плодови и семки.
Во домот се препорачува да имате мармалад, џем, чоколадо, мед, протеински плочки и суво овошје.
Што се однесува до пијалоците, се препорачува кафе, чај, топло чоколадо, сок или млеко.
Храна за деца:
• дополнителна исхрана
• каша
• гриз
Исто така, се препорачува оние кои се во можност, сами да одгледуваат овошје и зеленчук во градината или на терасата.
Топлина
Граѓаните се предупредуваат дека температурата во куќата значително ќе опадне доколку има рестрикции за струја (во случај да избие војна во текот на зимата).
„Сите се собираат во една просторија, го шират просторот со ќебиња, а подовите ги покриваат со теписи“, стои во упатствата.
Посочуваат дека дома треба да имате топла облека за сите временски услови. Парчиња облека од волна, дебели чорапи, ракавици, капи и шалови.
• ќебиња
• вреќи за спиење
• душеци за спиење
„Исто така, има алтернативни извори на топлина во куќата, за кои не е потребна електрична енергија, како што е гасот“, се наведува.
• свеќи
• кибрити
• запалки
• противпожарен апарат
„Ако користите алтернативни извори на топлина, бидете внимателни. Отворете го просторот за да ги проветрувате просториите и исклучете ги изворите на греење пред да заспиете“, се додава.
Пари
Способноста да плаќате на различни начини ја зголемува вашата подготвеност во итен случај, забележува упатството.
Мора да имате:
• Доволно готовина најмалку за една недела, по можност во различни валути
• Други опции за плаќање – дебитни или кредитни картички, онлајн плаќање
Комуникација
Во случај на војна, треба да можете да добивате новости и важни информации од државните институции, но и да бидете во контакт со вашите најблиски. Затоа се препорачува дома да имате некои од следниве производи:
• радио на батерии
• соларни панели
• резервни батерии
• резервен мобилен телефон (со полна батерија)
• акумулатор
• полнач за автомобил
• броеви на важни личности запишани на лист хартија
Тоалет
Во упатството посочуваат дека може да има проблеми со водоснабдувањето, особено ако нема струја, што може да создаде дополнителни проблеми.
„Може да се случи да немате вода во резервоарот, затоа подгответе се да се ослободите од отпадот на друг начин, за да одржувате добра хигиена. Може да имате кратко празнење дури и кога немате вода. Во тој случај, фрлете ја тоалетната хартија во канта. Во случај на големо празнење, ставете пластична кеса во чашата, која потоа ќе ја фрлите или користете струготини“, стои во упатството.
Што да имате дома:
• тоалетна хартија
• влажни марамчиња
• средство за суво миење раце
• пелени
• влошки
• пластични кеси или кеси за ѓубре
• песок за мачки или струготини
• кофа со капак
Остатокот
Во упатството наведуваат дека е добро да се чуваат дома:
• мобилно решо
• горилник за гас
• гориво
• домашна аптека и комплет за прва помош
• фенерче
• отворач за конзерви
• полн резервоар во автомобилот
• добра батерија
Доколку имате редовна терапија, погрижете се да имате доволно лекови за еден месец.
Што во случај на евакуација?
Во случај да мора брзо да го напуштите вашиот дом или област поради различни причини, се препорачува строго да ги следите упатствата на надлежните.
Што да понесете со себе:
• храна и вода за неколку дена
• документ со фотографија
• готовина и банкарски картички
• лекови и прва помош и други помагала (ако ви се потребни)
• работи со батерии или со соларен панел
• топла облека
• водоотпорни чевли и облека
• резервна облека
• производи за лична хигиена
• полнач за мобилен телефон
• мапа и компас
• запишете важни информации на лист хартија што секогаш ќе го чувате со вас
© Vecer.mk, правата за текстот се на редакцијата
