Окружното обвинителство во Менхетен, Њујорк денеска соопшти дека се согласува да го одложи изрекувањето на пресудата на новоизбраниот американски претседател Доналд Трамп во случајот против него за тајна исплата на пари на порно актерката Сторми Даниелс во замена за нејзиното молчење за нивната наводна афера.
Обвинителството соопшти дека изрекувањето на пресудата се одложува за обвинителите да имаат време да го разгледаат очекуваниот претседателски предлог на Трамп за отфрлање на случајот, објави Си-Ен-Ен.
Во писмото до судијата Хуан Меркан, канцеларијата на окружниот обвинител изјави дека Трамп најверојатно нема да биде осуден „до крајот на претстојниот претседателски мандат“, но дека не треба да има обвинение во тој случај.
Трамп беше осуден во мај по 34 точки од обвинението за фалсификување деловни книги за да ѝ плати 130.000 долари на Сторми Даниелс за да ја спречи да зборува за нивната наводна афера пред изборите во 2016 година.
Трамп се изјасни за невин во случајот, а неговите адвокати тврдат дека пресудата треба да биде отфрлена поради одлуката на Врховниот суд за претседателскиот имунитет, како и поради тоа што Трамп се подготвува да се врати во Белата куќа.
© Vecer.mk, правата за текстот се на редакцијата
