Во следната постапка, предлог-законот, кој беше поддржан на прво читање во Кнесетот вчера, ќе биде вратен во комисиите за понатамошна дискусија, а ќе треба да помине и на второ и трето читање на пленарната седница за да стане закон, објавува „Анадолија“.
Во образложението на предлог-законот се наведува дека, бидејќи затворските казни не служат како доволен фактор за одвраќање на терористите, се предлага смрт да биде казна за терористите кои извршуваат убиство и дека се очекува оваа казна да ги одврати понатамошните терористички акти.
Според предложениот предлог-закон, секој што ќе убие израелски цивил од расизам или непријателство, „со цел да ѝ наштети на Државата Израел и на враќањето на еврејскиот народ во нивната земја, нема да биде осуден на никаква друга казна освен смртна казна“.
Бен-Гвир, кој е и министер за национална безбедност, го нарече законот „најважниот закон во историјата на Државата Израел“ и дека „секој што се спротивставува на овој закон активно работи против еврејската држава“, додека лидерот на опозициската партија Јеш Атид, Јаир Лапид, рече дека нема да гласа за законот предложен од партијата на Бен-Гвир. Минатата недела, бригадниот генерал Гал Хирш, кој е координатор за заложници во кабинетот на израелскиот премиер Бенјамин Нетанјаху, рече дека законот ја има поддршката на премиерот.
© Vecer.mk, правата за текстот се на редакцијата
