Портпаролката на руското Министерство за надворешни работи, Марија Захарова, упати остри и отворени навреди по повод ненајавената посета на германскиот канцелар Фридрих Мерц и министерката за привреда Катарина Рајхе на украинската престолнина.
– Убиците се враќаат на местото на злосторството, изјави Захарова за руските медиуми, оценивајќи ја целата дипломатска посета како „реклама изградена на крви“.
Мерц пристигна во Киев во придружба на видни претставници на германската бизнис-заедница со милионски пакет помош на маса. Според владини извори од Берлин, германскиот канцелар најави испорака на илјада дронови-пресретачи и развој на сопствено оружје со долг дострел за украинските сили, за што од германскиот буџет се наменети една милијарда евра. Дополнителни 350 милиони евра се резервирани за итна санација и обнова на разурнатата енергетска инфраструктура на Украина.
© Vecer.mk, правата за текстот се на редакцијата
