Повеќе од 2.000 луѓе, меѓу кои волонтери, студенти и припадници на вооружените сили, учествуваа во Финска во најголемата вежба за цивилна заштита во Европа од завршувањето на Втората светска војна. Сценариото за овие масовни маневри беше застрашувачко и нималку безазлено: масовни кибер-напади ја прекинуваат испораката на струја и вода, додека на земјата ѝ се закануваат директни ракетни удари од соседна Русија, пишува Euronews.
Во огромното скривница за цивилна заштита, искасена длабоко во карпите со врати дизајнирани да издржат дури и нуклеарен или биолошки напад, регрутите во заштитни одела и гас-маски симулираа мерење на нивото на радијација. Просторот кој инаку функционира како спортска сала во градот Куопио, преку ноќ беше претворен во подземен град каде стотици луѓе спиеја на полски кревети за да ја проверат оперативната подготвеност на државата.
Сценариото за вежбата, која се одвиваше во првите денови од септември 2026 година, доаѓа во момент кога западните разузнавачки служби интензивно предупредуваат дека Москва спроведува агресивна кампања на саботажи, сајбер-напади и зачестени инциденти со дронови низ цела Европа.
Финска, која по руската инвазија на Украина го напушти децениското воено неутрално дејствување и стана членка на НАТО, поседува длабоко укоренет систем на народна одбрана. Војската предупредува дека соодветниот одговор на хибридните закани бара максимална подготвеност од секој еден граѓанин.
На терен, заканите веќе се чувствуваат. Директорот на енергетската компанија „Савон Воима“, Јуха Ресене, посочи дека по прекинот на купувањето руско биогориво, бројот на хакерски напади врз нивната мрежа драстично скокнал. Загрижувачки е што инженерите изминатиот период откриле сомнителни ознаки и налепници поставени на критични делови од енергетската инфраструктура, а над високонапонските далекуводи сè почесто се забележуваат непознати дронови.
„Кога на такво чувствително место би дошло до експлозија, би можела да биде уништена цела брана“, предупредуваат експертите, нагласувајќи дека подготвеноста на населението за брза евакуација е единствениот штит против евентуални катастрофи.
© Vecer.mk, правата за текстот се на редакцијата
