Баерн Минхен ја отвори новата сезона во германската Бундеслига со убедлива победа на домашен терен, совладувајќи го Штутгарт со високи 5:1 на „Алијанц Арена“. Баварскиот гигант уште во првото коло испрати јасна порака за своите шампионски амбиции.
Натпреварот во Минхен помина во апсолутна доминација на домашниот состав. Големата канонада ја отвори Упамекано, а во листата на стрелци за баварците се запишаа и Олисе, Павловиќ, Дијаз, а автогол си постигна Вагноман, кој патем беше стрелец и на почесниот погодок за Штутгарт.
Овој дуел имаше и посебно историско значење за капитенот Мануел Нојер. Искусниот голман го одигра својот јубилеен 600. официјален натпревар за Баерн Минхен во сите натпреварувања, одбележувајќи го големиот јубилеј со сигурен триумф.
